Bakit Walang Female Urinal?

Male Urinal. Source: Google Images

 

Sa paglalakad ko pauwi ng aming bahay mula sa aking Sintang Paaralan ay napadaan ako sa isang male urinal sa Pureza. Dito umiihi at nagbabawas ang mga tricycle driver, at mga lalaking napapadaan dito. Ang galing nga ng MMDA. Pero parang unfair naman.


Bakit walang urinal para sa aming mga kababaihan? Hindi ba't dapat ay pantay lang ang aming karapatan sa mga kalalakihan?


Sa mga oras na nakararamdam kaming mga babae ng pagbabawas, kailangan pa namin na maghanap ng public comfort room, gasoline station, o magtiis hanggang sa makarating kami sa bahay. Pero kapag sa mga lalaki ito nangyari, may male urinal na naghihintay para sa kanila. Kung wala man, nariyan ang mga pader na may makukulay na pintura, mga punong walang sala, at posteng walang magawa kapag nababasa na ng maligamgam na ihi.


Unfair diba? Pero naisip ko rin na ayos lang iyon. Paano naman kasi, kung saan saan na lamang umiihi ang mga kalalakihan. At para maibsan iyon, male urinal ang solusyon ng gobyerno. Kung hindi man nila kayang madisiplina ang mga lalaking pasaway, idaraan nila ito sa paraang makikinabang ang lahat.


Hindi na rin masama. Okey lang, kahit walang urinal para sa kababaihan. :)